Сельский кросс

Сельский кросс. В поселке Велва-База Кудымкарского района прошел IV легкоатлетический кросс-кантри на приз семьи Лунеговых.

В-Базаын чулалiс Лунеговвез семьялöн приз вылö нельöт легкоатлетическöй кросс.

Нельöт легкоатлетическöй кросс-кантри таво вились чулöтчис Лунеговвез семьялöн ним увтын. Этö семья, кытöн быдмисö спорт сьöртi куим мастер, областнöй, краевöй, российскöй и международнöй уровень сьöртi соревнованнеэзлöн чемпионнэз и победителлез. Нiя быдмисö сiдзжö, кыдз и мöдiк учöт челядь, только котрасьöм дынö радейтöм вöлi ыджытжык, нежели мöдiккезлöн. Сысянь, кыдз старайтчисö спортлöн мастеррез, уровень нылöн вылын. Старайтчисö ёна и этна соревнованнеэз вылын, только мöдiк котрасиссез ни, кöдна понда Лунеговвезлöн семья – медбур пример.

Котрасиссез понда вöлi лöсьöтöм кыкьямыс дистанция, дасквать группа коласын вöлiсö и медучöттэз – дошкольниккез. Нылö вöлi и сетöм медодзза старт. Валентина Лунегова котöртiс ордчöн медучöттэзкöт, мый лоис стимулöн и бур наградаöн медтом котрасиссез понда.

В-Базаын быд забегын победителлезлö козьналiсö медаллез, кубоккез, дипломмез и грамотаэз. Лунеговвезлöн семья ним увтын чулöтöм кросс лоис шудаöн кыдз кантри-кросслöн участниккез, сiдз и медспортивнöй семья понда.