Нитка за ниткой

Нитка за ниткой. Под руководством народного мастера Пермского края Галины Казанцевой в Коми-Пермяцком этнокультурном центре прошли курсы по ткачеству. В течении трех дней все желающие познавали азы ткачества. Результаты своего труда ткачихи представят на выставке.

Кыйны дöра – удж абу кокнит. Коми-Пермяцкöй этнокультурнöй центрын мунöны ткачество сьöртi курссэз. Желающöйез велöтчыны эта ремеслоö адззисисö уна.

Кыйны дöра туйö дзир станок вылын и только сiя технология сьöртi, кыдз велöтiсö баббез. Öнi ассяма технологияö ассис велöтчиссесö велöтö Пермскöй крайись народнöй мастер Галина Казанцева. Сiя чулöтö этнокультурнöй центрын ткачество сьöртi мастер-классэз.

Одзжык отир этöн олiсö. Станок вöлi быд керкуын. Эз вöв, натьтö, öтiк инька, кöдалö бы эз вöв тöдса рукоделие. Öння оланын жö нач мöднеж, только пыр лоасö нiя, киннэз донтöны да зорöтöны предоккезлiсь традицияэз, а ордчöн этакöт и культура, кöдалö творческöй отир сетöны виль лов.

Тöдмавны станок дöнзьö некокнита, но ордчöн кужись киа мастеркöт быдöс шогмö. А эд тöдны уджавтöн колö быд торсö. Медсьöкытöн лоö панны да пысасьны. Дöра кыйикö колö кужны керны быдöс сiдз, мед петiс бытшöм сер.

Велöтчыны ткачествоö этнокультурнöй центрын пондасö куим лун сьöрна. Эта кад бöрсянь быд велöтчись мыччалас, кыдз велалiс уджавны ткацкöй станок вылын. Керöм уджжез петкöтасö выставка вылö, сэк лоас вежöртана, кин мый дорö велалiс и кинлö эта ремеслоыс вын сьöртi.