Колхозный рынок образца 60-х

Колхозный рынок. В выставочном зале Кудымкарского КДЦ открылся колхозный рынок. На необычной выставке были представлены предметы быта, посуда, одежда шестидесятых годов прошлого века.

Кудымкарись КДЦ-ын оссис колхознöй рынок. Сэтшöм рынок вылö ветлöтiсö отир кватьдасöт годдэзö. Öнi историялiсь этö листбоксö лыддьöтöны челядь. Рынок вылö, кöда СССР-лöн годдэзö шусис колхознöйöн, локтiсö кыкöт номера школаись велöтчиссез. Челядь понда татöн оссис быльнöй история. Эд аркмисö колхознöй рыноккез эшö куимдасöт годдэзö, и этö вöлi быдса реформа. И годiсь годö сiя асмоза вежсис.

Это ны понда, ыджытжык поколенне понда, эта вöлi дзик неважын, а уна том отир сэтшöмыс йылiсь оз и тодö. Комодiсь кыскöм мода, быдкодь паськöм, кöмкöт и выставка вылö вайöм торрез чужтiсö велöтчиссез коласын ыджыт интерес. Неöткодьсö челядь казялiсö сразу.

Любуйтчыны выставка вылын туйис берсяöн. Кöркö рынок вылын вöлiсö нiя продукттэз, кöднö эз туй небны карточка вылö. Рыночнöй цена пыр вежсис. Эта колхознöй рынок вылö отир петкöтiсö ны понда меддонасö и уникальнöйсö, мый эшö кольччис гортын. Открыткаэзлöн коллекцияэз, быдкодь канфет гижöттэз, а сiдзжö вымпеллэз, грамотаэз, орденнэз и медаллез, туйис адззывны сэтшöм торрез, кытшöммезö öнi оз ни керö и оз лэдзö.

Историяын кольччас и бекöрпань. Эд нельки этна Белоруссияись вайöм неыджыт форфоровöй кружкаэз чужтöны ностальгия, кыдз и быдöс, мый чукöртöм «Колхозный рынок» нима выставка вылын. Лöсьöтiсö сiйö организаторрез неоткодь возраста отир понда и немымда эз сорасьö, неöтiк лун сьöрна ни КДЦ-ö локтöны уна отир öтiк могöн видзöтны колхознöй рынок.