В с. Кува открылся сказочный этнопарк «Гажа яг»

В с. Кува открылся сказочный этнопарк «Гажа яг». В течение двух месяцев здесь построили лесную кладовку, колодец желаний, домик Бабы-Яги, изготовили скамейки и более 10 деревянных скульптур по мотивам коми-пермяцкого и русского фольклора.

Гажа яг видзчисьö гöссезöс. Коми-Пермяцкöй округын реализуйтiсö эшö öтiк этнокультурнöй проект. Кува посадiсь оздоровительнöй лагерьлöн база вылын осьтiсö этнокультурнöй парк «Гажа яг». Эстöн олöны быдкодь вöр да вапöткаэз, вакуль, луншöрика и Софья-травница. Сказочнöй парк осьтiс отир понда ассис ыбöссэсö быд желающöй понда.

Гöссезлö висьтасисö турун тöдiсь Софья йылiсь, кöда преаданнеэз сьöртi кольччис этна вöррезын. Сыбöрын гöссез петiсö тшака Кушин вылö, туй вылын панталiсö ош поз, керкуын юисö дзирыт, туруна чай. Гажа ягын веськöтiсö здоровье.

Эттшöм сказочнöй парк, кытöн олöны Вакуль и Яги-баб, кöда орсö челядькöт, осьтiсö первуись.

Шуда öшмöс, кöч кушин и йыа керöсок вермисö бура лэбтыны челядьлiсь и гырись йöзлiсь настроенне. Арт-объекттэз паркын сымда, что лыддьöм понда оз тырмö чуннез. Чулöтны кад пользаöн шогмас быдöнныслö.

Куваись «Гажа яг» оз понды сулавны аслас места вылын, сiя одзлань пондас зорамны да паськавны. Планнэзын сувтöтны татöн эшö мöдiк ассяма арт-объекттэз, ссьтны отир понда быльнöй сказочнöй вöр, мед гажа яг лоис эшö гажажык.