Дороги не будет. До следующего года

Дороги не будет. До следующего года. Из-за погодных условий официальная сдача участка дороги Сергеевский–Гайны отложена до следующего года.

Кытöн жö, туйыс тэ, кытöн? Гайны-Сергеевский туй участок вылын ремонт мунö мöймусянь. Водитель кыввез сьöртi, мунны сэтi нач оз туй. Дасвит километровöй участок вылын ремонт увья мунны позьö дзик öтiк ладорöттяс. Разъезддэз абу. Мукöдпыр, мед лэдзны паныт локтiсь машинасö, водителлез сувтчыны сэтчö, кытöн мунöны уджжес и видзчисьöны. Машинаэзлöн шöр скорость эта участок вылын час вылас кыкдас километра. Мукöдпыр, эта туй кузя мунöм вылö видзсьö часся унажык.

Кыдз шуöны Гайнскöй районiсь олiссез, нiя мыдзисö ни видзчисьны, кöр лоасö помалöмöсь туй вылын уджжес. Эд кыдз только пондöтчис ремонтыс, дугдiсö ветлыны рейсовöй автобуссэс. Туйлöн проблемнöй участок одзын отирсö пуксьöтлiсö мöдiк автобус вылö, мукöдыслö, кöть и билетыс босьтöм вöлi конечнöй остановкаöдз, подöн гортöдззаныс мунны ковсьылiс.

Туй вылын умöль участок бура тыдалö и медицинскöй услугаэз сетöм вылö. Вöлiсö и сэтшöм экстреннöй случайез, кöр скорöй помощьлöн сибдöм машинаын роддэз принимайтны ковсис.

Кыдз шуö Коми-Пермяцкöй округöн юралiсь, строительство жагöна мунö тавося умöль погоддя увья. Зэррезсянь объект вылын уджжес мунiсö не быд лун. Öнi туйлöн участокыс керöм витдас кыкьямыс процент вылö. Öкмыс километр вылын вöвдöм асфальт.

Подрядчик одзын сувтöтöм мог – октябрь помöдз öтiк ладорсö быдсöн вевттьыны асфальтöн. Мöд боксö керны кытчöдз гравийись. Только сэк эта участок вылын лоас бур проезд. Ачыс объектыс лоас сетöм дзик локтан год вылын.