Платить или не платить

Платить или не платить. Жильцы многоквартирных домов Кочевского и Косинского районов отказываюся плать за капитальный ремонт.

Вештiсьны или не вештiсьны! Кочево посадын олiсь Надежда Колотиловалöн пызан вылын куйлöны Пермскöй крайись капитальнöй ремонт сьöртi фондö джын год понда вештiсьöм вылö квитанцияэз. Но инька быд месяц вештыны квадратнöй метра понда сизим руб оз мöд. Откажитчисö öтлаын сыкöт вештiсьны и керкуись мöдiк олiссез. Корöны öтiкö – аркмöтны Кочево посадын ассиныс ТСЖ и аслыныс видзны öктöм сьöмсö. Одзжык этö эз керö дзик сысянь, что эз тöдö асланыс праваэз йылiсь. Мöдiккез жö откажитчöны вештыны капремонт понда сысянь, что нылöн керкуэзлö капитальнöй ремонтыс немöн ни оз отсав.

Поселеннелöн юралiсь Александр Павлов кыввез сьöртi, если посадын кин и вештiс капитальнöй ремонт понда, то сэтшöммес нач етша, кöть и локны квитанцияэз пондiсö эшö февраль месяцсянь. Öтласа собраннеэз вылын убедитны отирсö, что колö вештiсьны, эз вермы. Проблемасö адззö сыын, что отирыс етша мый тöдöны. А вот осьны ассиныс ТСЖ вермасö кöть кöр. Если жö отирыс шуöны, что нылöн керкуэс аварийнöй состояннеын, то колö керны быдкодь экспертизаэз. И если нiя мыччаласö, что керкуэс и быль умöль состояннеын, сэк вештiсьны оз понды ковны. Сiдз жö оз вештiсьö нiя, кинлöн керкуэзлö сизимдас годся унажык и кин олöн двухквартирнöй керкуэзын. Быдöс мöдiк случайезын, капитальнöй ремонт понда вештiсьöм лоö обязательнöйöн.