Дошколята выясняли, кто умнее

Дошколята выясняли, кто умнее. Среди дошкольных образовательных учреждений Кудымкара впервые в этом году состоялся интеллектуальный конкурс «Умники и умницы».

Карись дошкольнöй учрежденнеэз коласын первуись чулалiс «Умники и умницы» нима интеллектуальнöй конкурс. Зубов нима детскöй библиотекаын öксисö карись дас челядь сад. Дошкольнöй учрежденнеэзiсь дас команда вермасисö öтамöд коласын быдкодь этаппез вылын. Мыччавны интеллектуальнöй конкурс вылын кужöммез и тöдöммез локтiсö медвежöра, визыв челядь. Этö нiя, киннэз петiсö вермиссезöн медодзза этапын.

Визитнöй карточка, разминка, а сiдзжö «Буквоед», «Цифроград», «Сказкоград» и мöдiк нима станцияэз мыччалiсö, кыдз бура челядь тöдöны ас гöгöрись вöр-ва, кин учöт конкурсанттэз коласiсь кужö лыддисьны да лыддьöтны, кин медтворческöй и медчож.

«Умники и умницы» нима интеллектуальнöй конкурс мыччалiс, мый мывкыд, юрвема пиэз карись челядь саддэзын уна. Активнöй участие примитiсö быдöнныс. Вермасьöмын куимöт места босьтiс дассизимöт номера «Солнышко» нима челядь сад. Кыкöт места вылын лоис «Аленушка». Лидеррезöн петiсö «Колокольчик» нима челядь садiсь воспитаниккез.