Вöлыс бороздасö оз тшык

Когда конь борозды не портит. Даже посадка картофеля требует особых умений. Как правильно разрезать картошку, чтобы каждая ее доля дала хороший урожай? Как правильно прокладывать борозды для посадки? И даже как землю лишний раз не переворошить? Всему этому поучиться можно у коми-пермяков.

Вöлыс бороздасö оз тшык. Öтöрын сувтiс кöс погоддя. Деревенскöй отир понда эта кадыс медглавнöй. Кыдз öнi уджалан, сымда и урожай шедтан. Погоддя öтöрын сувтiс бур, этасянь отир тэрмасьöны садитны огореччез картошкаöн, лукöн да мöдiк быдкодь берсянас.

Чинагорт деревняись олiсь Иван шуö, мый приметаэз сьöртi, садитны картошка öнi медбур кад. Эта удж дынö отир локтöны öддьöн серьёзнöя. Инькаэз лöсьöтöны да вундалöны картошка. И кыдз позьö тöдны, эстöн тожö колö кужöм.

Öнi отир садитöны картошкасö унажыксö современнöй способöн. Юсьвинскöй районiсь деревняэзын позьö пантавны важ способ. Сэтчин öнöдз гöрöны мукöд огореччесö вöлöн. Отир шуöны, мый муыс сэк тальсьö етшажык. Эта уджыс мунö нельки кыдз обряд. Медодзза борозда колö керны кужöмöн. И эта дорö велалö не быдыс. Кыдз содтiс гöрись, огореччез овлöны быдкодьöсь – чорытöсь да комокаöсь, нето небытöсь. Уна эта уджын зависитö и вöвсянь да веськöтлiсьсянь. Кыдз туйдöтан, сiдз вöлыс и мунас. А вöлыс овлö и характерöн, вермас сувтны и не мунны одзлань, вермас курччасьны, зурасьны и нельки пышшыны.

Удж бöрсянь хозяева корöны уджалiссесö пызан сайö да потшшуйтöны сёянöн, сур-брагаöн да аскурöн. И медбöрын шуасö: «Ыджыт аттьö тiянлö отсалöм понда».