Ен дынö матöжык

Село украсил новый храм. В селе Верх-Иньва засверкали купола на здании новой деревянной церкви. Строили здание не один год. Деньги собирали всем миром. И простой народ. И депутаты. И вот наконец-то на храм водрузили 5 маковок. К осени строительство должно быть завершено. По народному поверью, с восстановлением в селе церкви жизнь селян улучшится.

Ен дынö матöжык. Верх-Иньва посадын чулалiс ыджыт вежалун. Öтiк годöн строитöм вичкулöн куполлэз вылö лэбтiсö зарниа главккез да пернаэз. Талуння вежалун Верх-Иньва посадiсь олiссез видзчисисö сизимдас годся унажык. Эд важ, Георгий Победоносец нима, пуовöй вичку вöлi пöдналöм эшö кольöм векся куимдасöт годдэзö.

Югдöтны главккез да пернаэзпосадö локтiс Кудымкарись батюшка. Отирлöн духовнöй возрожденнё йылiсь сёрни йиджис сьöлöмöдз быд мортлö.

Зарниа главккез керисö Волгодонскын. Нылöн дон сувтiс попечительскöй фонд понда 770 тысяча руб. Мед вештiсьны керöм удж понда, фондлöн юралiсь Капитолина Веселкова керис ас вылас нельки ссуда.

Талуння вежалунсö отир шуисö ыджыт историческöй событиеöн. Эд сы бöрсянь, кыдз главккез лоасö лэбтöмöсь куполлэз вылö, вичкуын позяс нуöтны службаэз.

Коми округöн да Кудымкарскöй районöн юралiсь отир адззöны этаын Парма мулiсь не дзир духовнöй, но и экономическöй зоралöм.

Вичкулöн строительство помöдз эшö эз лок. Но гожумбытöн сiйö кöсйöны сетны эксплуатацияö.