Чапкöм деревняын виль часовня

Возрождение деревни начинается с новой часовни. Сестры Четины, уроженки деревни Синтамова Кудымкарского района, на своей малой родине построили за счет собственных средств часовню.

Чапкöм деревняын виль часовня. Коми-Пермяцкöй округын уна вунöтöм деревняэз. Отир мунöны овны ыджытжык посаддэзö, нето каррезö. Но адззисьöны и сэтшöмöсь, кöдна бертöны мам му вылö да пондöтöны зорöтны сы вылын олан.

Синтамова деревняöдз туй абу матын. Самковаöдз позьö кайны кöть кытшöм машинаöн, а вот одзланься вит километра – только внедорожникöн, нето подöн. Туй чапкöм, пос киссьöм - татöн важын ни некин оз ов. Но быдöс мöдö вежны Любовь Четина, кöда татöн чужис. Сiя сувтöтiс одзас моггез, кöднö увереннöя пыртö оланö.

Уна годдэз ни сiя аслас сойезкöт олö Украинаын. Мам му йылiсь нiя озö вунöтö. Вовлывлiсö татчö часто, дзир керкуö эзö пыравлö. Но мöйму сё жö вожмöвтiсö чужан керкулiсь порог.

Öнi ни Синтамоваын сулалö вичку. Ась и абу ыджыт, но бытшöм да югыт. Быдса год сiя аслас пенсияись öктiс сы вылö сьöм, сеталiсö сойез да мöдiк матiсь отир. Отирсянь отсöт локтiс невна сёрöнжык. Вайис Украинаись витдас тысяча руб. Отсалiсö и округись йöз. Кинкö сетö сьöм, а кинкö отсалö уджöн.

Öнi Любовь Васильевна олö Россияын. Документтэз, татöн олöм понда, керис куим год кежö. Но сё частожык сы дынö локтö дума кольччыны мам му вылын и татöн чулöтны пöрись годдэз.

Вичкуся, матiсь кадö, татöн эшö и музей лоас. Öнi ни öктöмöсь сы понда экспонаттэз. Кытчöдз нiя етша, но нiя öддьöн донаöсь инькаэз понда.

Вичку лэбтöм, керку лöсьöтöм. Öнi колö эшö адззыны сьöм, медбы керны туй да пос, и татчö пондасö локны отир, надейтчö инька. И чожа мыйись деревня ловзяс – эта мог судзöтом понда одзлань и уджалö Любовь Четина.