Вöрзаптiссезлöн успеххез

Лес рубят, щепки летят.  В Кочевском районе работает одно из самых стабильных предприятий лесозаготовительного комплекса Пермского края «Кочеволес». Более четверти века возглавляет предприятием Василий Александрович Мельников. В последние годы здесь используют самую современную высокопроизводительную технику.

Вöрзаптiссезлöн успеххез. Кыкдас сизим год сьöрна ни Василий Мельников юралö «Кочёволес» нима предприятиеöн. Бöрья годдэзö вöр кералöм предприятиелöн пондiс содны. Василий Мельниковлöн кыввез сьöртi, объёммез пондiсö содны сiя кадсянь, кыдз вöлi небöм виль оборудованнё. Сiдз жö отсалiс судзöтны моггез Кочёвскöй лесничестволöн лесоустройство. Кольöм годö Пермскöй крайын даскыкьямыс год бöртi вöлiсö вились чулöтöмöсь лесоустроительнöй уджжез, а Кочёвскöй лесничестволöн вöррез вöлiсö лыддьöмöсь медодззаэзöн. Мог – лöсьöтны крайись вöррезын порядок - губернатор Виктор Басаргин пыртiс приортиетнöйез лыдö эшö 2012-öт годö.

Планнэзын таво лесоустроитны крайись эшö куим лесничество – этö сизимсё тысячася унажык гектар. Эта мог вылö краевöй да федеральнöй бюджеттэзiсь лоас видзöм сё миллион руб мымда. Ны лыдö пырасö Кудымкарскöй, Закамскöй да Пермскöй лесничествоэз.

2014 годö вöлi сетöм арендаторрезлö даскуим  миллион кубометр вöр. Джынысся унажык вöлi заптöм. Кольöм год сьöртi лидерöн эта уджын лоис Коми-Пермяцкöй округ. Округись древесина мунö крайлöн быдöс предприятиеэзö, а сiдз жö татiсь предпринимателлезлö.

А Василий Мельников судзöтöмыс вылын сувтчыны оз мöд. Надейтчö, мый эта годыс сетас виль рекорддэз. Да и виль разработкаэз сетасö польза. Природнöй ресурссэзлöн министерство мöдö зорöтны Кама ю кузя Весляна юлöн устьесянь Соликамскöдз вöр кылöтöм. Эта территория вылiсь вöрзаптiссез вермасö быд год кылöтны ю кузя вöрсö куим миллион кубометраöдз.