Борьба с «подснежниками» началась

Борьба с «подснежниками» началась. Администрацией города Кудымкара принято постановление о проведении месячника по благоустройству и санитарной очистке территории города. Хоть и будет проходить месячник с 15 апреля по 15 мая, но уже сегодня коммунальное предприятие «Чистый город» начало уборку улиц города от зимнего мусора.

Мед кар лоис сöстöмжык. Кудымкарлöн администрацияöн примитöм благоустройство да ёг весöтöм сьöртi постановленнё. Санитарнöй очистка сьöртi месячник пондöтчас апрель дасвитöт лунсянь.

Благоустройство да ёг весöтöм сьöртi месячник кöть и пондöтчас апрель дасвитöт лунсянь, но и сы вотöдз Кудымкарись «Чистый город» нима предприятие был лун весöтö карлiсь улицаэз нятьсянь да ёгсянь. Медбы удж мунiс эффективнöя, «Чистый город» нима предприятие, занятость понда центр да карлöн администрация коласын кырымпасалöм куим ладора договор. Сы сьöртi дзир талун улицаэз вылын уджалöны дасвит гöгöр морт.

Карын уна проблемнöй участоккез. Эмöсь местаэз, кöдна тшыкöтöны карлiсь олан не öтiк год ни. Карлöн администрация бок увтын, несанкционированнöй свалка повзьöтлö отирöс важын ни. Быд лун быдса автомашина ёг öксьö Ленин нима улица вылiсь остановка вылын. Ыджыт свалка осьтöм карлöн пруд дорын.

Санитарнöй очистка сьöртi удж карын уна, но медодз Кудымкарын лоасö весöтöмöсь да благоустроитöмöсь местаэз, кöдна йитöмöсь Великöй Отечественнöй войнаын Победа лункöт.

Этна луннэзö администрация кырымпасалiс постановленнё, кöда сьöртi Кудымкарын быдöс предприятиеэз да карын олiссез пондасö весöтны карлiсь улицаэз нятьсянь да ёгсянь. Но сы вотöдз ни быд морт вермас пуктыны ассис пай, мед миян кар лоис сöстöмжык да югытжык.