Ваш дом будет расселён!

«Ваш дом будет расселён». Таблички с таким содержанием появились в эти дни на некоторых домах Кудымкара. Программа по переселению граждан из ветхого и аварийного жилья продолжается. На сегодняшний день в программу попали 34 дома.

Кудымкарын одзлань уджалö аварийнöй керкуэзiсь виль керкуэзö вуджöм сьöртi программа. Карись администрацияын эта юасьöм сьöртi утвердитöм план. 2015-öй – 2017-öй годдэз коста быдöс аварийнöй керкуэзiсь олiссезлö, кöдналöн оланiннэз пырисö переселеннелöн программаö, сетасö виль квартираэз.

Кудымкарын программаö пырисö куимдас нель аварийнöй керку. Быд керку вылын öнi öшöтöмöсь табличкаэз, кытöн гижöм: «Ваш дом будет расселён» И эта сетö отирлö бур олан вылö надея. Отирлö, киннэз шедiсö переселеннелöн программа увтö, виль квартираэзлöн площадь лоас сетöм сэтшöм жö, кытшöм вöлi умöль керкуын. Öнi карись даскыкöт микрорайонын строитöны объекттэз кыдз аймамтöг кольччöм челядь, сiдз и аварийнöй керкуэзын олiсь отир понда. Стройка эта ыб вылын пондöтчис март дассизимöт лунö, öнi бригадаэз лэбтöны медодзза керкулiсь куимöт этаж.

Перспективаын строитны эшö куим керку. Кыдз баитöны строителлез, нiя вермасö лоны не куим этажаöсь, кыдз планын, а вит этажа керкуэзöн, но эта уджыс лоас помалöм дзир локтан год вылын. Öнi мог сэтшöм, гожум коста ештыны лэбтыны куим куим этажа керку, а сыбöрын пондöтны отделочнöй уджжез. Кöр быдöс оланiннэз керасö, отирлöн важынся мечта пырас оланö, и нылöн лоас бур достойнöй оланiн.