На отремонтированной дороге провалился КАМАЗ

Дороги, дороги!  Не успели в Кудымкаре закончить ремонт дороги по улице Конституции, как на отремонтированной проезжей части провалился груженный гравием КАМАЗ. 

Карись туйезöн проблема кольччö актуальнöйöн быд лун. Умöль туй вылö норасьöны то öтiккез, то мöдiккез. И нельки ремнот бöрсянь мукöд туйез вились жугалöны. Кудымкарись Конституции нима улица вылын туйлöн   ремонт вöлi керöм  дзир неважын. И быдöс бы бур, но кынымкö лун бöртi ремонт мыччалiс ассис качество, улица вылöт мунтöн, камаз вöйис.

Александр Фирсов, руль сайын пукавтöн, эттшöм ситуацияö ас оланын эшö эз шедлы, сiйöн вежöртана, мый водитель понда этö ыджыт тöждöм. Груженöй машиналöн колесоэз вöйисö, буксуйтöм коста сотчис сцепленне, öнi не только гравий, но и камазлöн резина да ремонт понда сылö ковсяс вештыны аслас карманiсь.

Эттшöмсö адззывтöн и отир шардiсö, кытшöм эшö бур туй нылö видзчисьны, ежели лун бöртi жугалö керöмыс. Конституции улица вылiсь олiссез бур туйез понда пессьöны важынни. Но кыдз баитöны асьныс, достойнöй ремонт нiя эшö дыр оз адззылö.

Аркмöм ситуация бöрсянь отир видзчисьны виль ремонт, мед крепыт дорожнöй полотно эз падмöт некытшöм водительöсь.