Быть заводу или не быть?

Быть заводу или не быть? Старейший завод Прикамья признан банкротом. Теперь судьба Пожвинского машиностроительного завода будет зависеть от нового собственника.

Заводлöн одзланься олантуй тöждöтö быдöннысö. Февраль месяцö Пожвинскöй машиностроительнöй завод лоис банкротöн. Öнi завод пöдналöм. Округись медыджыт предприятие, кытöн сувтчывтöг уджалiсö станоккез, лоис банкротöн. Уджтöг кольччисö посадiсь уна морт. Заводлöн одзланься олан тöждöтö кыдз Пожваись олiссезöс, сiдз и округлiсь юралiсьöс.

Виктор Рычков аслас пресс-конференция коста юöртiс, мый завод лöсьöтчö босьтны Москваись предприниматель. Сделка лоас керöм закон сьöртi, но планнэз, кытшöмöн лоас одзланься завод, и мый видзчисьны производствосянь, кытчöдз абу тöдсаöсь.

Кыдз баитöны пожвинса, вунöтны ассиныс предприятие нiя абу готовöсь. Эд кöркö татöн кисьтiсö Наполеонкöт война понда пушкаэзлö ядроэз. Керисö пароходлiсь да паровозлiсь  медодзза макеттэз. Бöрья кадö заводын лэдзисö быдкодь уджалан техника. Виль собственниксянь отир ыджыт надеждаöн видзчисьöны производстволiсь одзланься зоралöм.

Кыдз шуöны отир, производство лоас сэк, кöр лоасö бур оборудованне, вежöра юралiсь и уджалiсь киэз.А желающöйез уджавны Пожваын уна.