Акань собирает друзей

Акань собирает друзей. В Международный день защиты детей в Кудымкаре прошел VII межмуниципальный фестиваль национальной игрушки «Акань» «Праздник детства!». Для маленьких жителей города Кудымкара и их родителей была подготовлена насыщенная праздничная программа.

«Акань-шоу» гажöтiс не öтiк сё кагаöс. Челядьлöн международнöй вежалун лунö паськыт культурнöй мероприятие организуйтiсö и Кудымкарын. Культурно-деловöй центрлöн площадка вылын вились оссис межмуниципальнöй фестиваль «Акань». Видзöтны аканнезлiсь шоу локтiсö челядь саддэзiсь воспитаниккез и школаэзiсь велöтчиссез. Быдöнныс нiя ёна видзчисьöны этö меропритяиесö. Учöт пиэз понда сiя нимлун моз дона.

Гажöтчöмлöн программа кöсйис уна вильсö, бытшöмсö да бурсö. Челядь понда öтöрын оссисö быдкодь орсан площадкаэз. Увлекательнöй занятиеэз видзчисисö быд учöт гöсьöс. Быд возраст понда организаторрез лöсьöтiсö торья конкурссэз.

«Акань» фестивальлöн шöр геройöн лоис кукла, сiйöн и игрушкаэз эстöн представитiсö быдкоддезö. Керисö аканнезсö не только округись, но и ордчöн куйлана районнэзiсь мастеррез. Этö гöрдззöм, рисуйтöм, лепитöм, вурöм и быдкодя мастеритöм куклаэз. Праздник вылö вайисö и быдкодь мöдiк орсан чачаэз, но дзир сiйö, мый радейтöны челядь. Орсöм коста быдöннысö гажöтiсö сказочнöй персонажжез, мультфильммезiсь тöдса геройез и ачыс аканьыс. КДЦ пытшкын учöт гажöтчиссезöс видзчисисö клоуннэз. Театрализованнöй представленнё бура лэбтiс челядьлiсь настроеннё.