В пьяном угаре едва не подожгли себя

В пьяном угаре едва не подожгли себя. Жильцы двухэтажного деревянного барака в Кудымкаре едва не стали жертвами пожара, который учинили злоупотребляющие спиртными напитками соседи. Лишь своевременно замеченный дым и вызов пожарных помогли избежать трагических последствий.

Думайттöг керöм оськöв невна эз вайöт трагедияöдз. Кудымкарын вермис бы шогмыны ыджыт пожар, причинаöн эталö лоис юись мортлöн кодувья керöм оськöв. Набережная нима улица вылiсь кыкьямысöт номера керкуись олiссез чуть эз öзйö. Сосед, кöда олö ордча квартираын, кодувья öзтiс фуфайка да быдкодь чапкöм трöпиччез. Аскадö казялöм тшын и пожарнöй служба корöм, отсалiс орддьыны умöльсö.

Керку эз сотчы, но боссис сьöкыт тшынон да дукöн. Öнi быдöс, мый вöлi отирлöн квартираэзын, колö тöвзьöтны. Овны челядьöн эттшöм условиеэзын лоас сöокыт. А эд учот кагаа семьяэз татон уна.

Вермис бы и былись быдöс шогмыны сiдз, кыдз Революционной 34 нима улица вылын. Сэк, кöр сотчис кык этажа пуовöй керку, и сы пытшкын пöдiсö челядь, Кудымкар понда лоис ыджыт трагедияöн. Эттшöмсис полöны и Набережная 8 нима улица вылiсь керкуись олiссез. Быд лун сыись и полöны, кыдз бы нерадивöй соседдэз эз öзтö.

Керку эта пожароопаснöй быд ладорсянь, сiдзжö сiя лыддиссьö аварийнöйöн. Проводка сьöрын татöн некин оз видзöт, трубаэз сiдзжö оз весöтö, неылын сулалö трансформаторнöй будка, и ежели мый шогмас, последствиеэз вермасö лоны öддьöн умöльöсь.

Мед орддьыны пожар и не лоны эталö причинаöн, отирлö колö не дзугны пожарнöй безопасность сьöртi правилоэз, эд часто повышеннöй опасностьлöн источникöн нiя лоöны асьныс.