Старт экзаменам дан!

Старт экзаменам дан! Школьники Кудымкара приступили к сдаче ЕГЭ. Единые государственные экзамены выпускники школ сдали по литературе и географии.

2015 годся выпускниккез понда чулöтчис медодзза единöй государственнöй экзамен. Медодз челядь проверитiсö тöдöммез география да литература сьöртi.

Куимöт номера гимназиялöн коридоррезын лöнь, кöть и öксисö школаын уна выпускниккез. Дасöтiкöт классэз помалiссез тöждiсьöмöн видзчисисö экзаменлiсь пондöтчöм.

Öтласа государственнöй экзамен коста школаын уджалiсö государственнöй экзаменационнöй комиссиялöн представителлез, общественнöй наблюдателлез и правоохранительнöй органнэзiсь сотрудниккез. Дас час гöгöр пондöтчис ассяма инструктаж.

Оз туй фотографируйтны, уджавны справочнöй материаллэзöн, ветлöтны, баитны и эшö уна быдкодь требованнеэз пырисö ответственнöй мероприятиелöн пытшкöсö. Сiя, мый радуйтiс выпускниккезöс, дак этö вöлi шоколад да сок. А сэсся тöдöммез, кöдна кольччисö юрвемын. Нiя и отсалiсö география да литература сьöртi единöй государственнöй экзамен сетöм коста.