Дороги заштопали!

Дороги заштопали! В Кудымкаре начался ямочный ремонт дорог и продлится он до середины июня.  Из местного бюджета на эти цели будет потрачено около двух миллионов рублей.

Кудымкарлöн  туйез вылын пондöтчис «ямочнöй ремонт». Этна уджжез вылö карлöн бюджетiсь лоас видзöм кык миллион руб гöгöр. Куим лун коста лöсьöтöмöсь Калинина да Горького нима улицаэз вылiсь участоккез. Талуння лунö муниципальнöй контракт сьöртi асфальт вылiсь гöппез тыртö  «Чистый город» нима предприятие. 

Кудымкарын асфальт вылын ямочнöй ремонт пондас кыссьыны июнь шöрöдз. Эта кадö колас вевттьыны туйезлiсь умöль участоккез тысяча да джын квадратнöй метра вылiсь.

Эта жö кадö кык месяц сьöрна  ямочнöй ремонт пондас мунны и гравийнöй туйез вылын.  Кыкъямыс километра вылö лоас иньдöтöм не öтiк миллион руб.

 Сьöмлöн ыджыт суммаэз лоасö  освоитöмöсь «Чистый город» нима предприятиеöн. Дас миллион гöгöр руб вылö лоасö благоустроитöмöсь туйез да туйдоррез, сiдз жö ны вылын порядок пондас видзсьыны и тöвся кадö.