Готовь сани летом…

Готовь сани летом… Не успел завершиться отопительный сезон, а сотрудники Кудымкарских тепловых сетей уже приступили к подготовке к новому отопительному сезону.

Лонтiсян сезон помассис. И тепловöй сетиись уджалiссез пондöтiсö ремонтнöй да строительнöй уджжез. Карись Плеханова нима улица вылiсь туй öнi пöдналöм, татöн лöсьöтöны виль тепловöй магистраль. Гарйöны бассейн дынсянь Строителей нима улицакöт туйвеж дынöдз. Эта уджыс лоö плановöйöн и зэв коланаöн кыдз олiссез, сiдз и теплосетиись уджалiссез понда.

Тепловöй магистраль вылын уджалö кыкдас öтiк мортiсь, бригада сменаын даскык уджалiсь. Нiя ордчöн гарйöны, варитöны и нюжöтöны трубаэз, кöднö татчö вайисö нач виллезö. Кыксё сизимдас метра кузяа тепловöй сеть лоас лöсьöтöм усовершенствованнöй трубаэзiсь.

Виль теплотрасса кöсйöны керны качественнöя, мед тырмис дыр кежö да уджалiс шоггезтöг. Кöр этö магистральсö лöсьöтасö, олiссезлö, кин керкуэзö шонытыс пондас локны виль трубаэзöт, кынмыны тöвся мороззэз коста точно оз пондö. Сетябрь месяцöдз быдöс уджжез Плеханова улица вылын помаласö. Матын кадö предприятие кутчисяс мöдiк текущöй ремонттэз бердö.