Клич пионера: «Всегда будь готов!»

Клич пионера: «Всегда будь готов!» В Юрлинском районе возродили пионерскую организацию. Первыми пионерами в новейшей истории на юрлинской земле стали 60 второклассников.

Юрлинскöй районын вились ловзьöтiсö пионерскöй организация. Но сiя торьялö одззасяысся. Если одзжык пионеррез вотöдз вöлiсö эшö и октябреноккез, то öнi нiя орддисö этö стадиясö. Пионерия лунö Юрлаись кватьдас второклассниклö вöлiсö сетöмöсь Российскöй Федерациялöн символикаöн значоккез. Паныт эталö том пионеррез сетiсö том ленинецлiсь вильмоза гижöм клятва.

Колö висьтавны, мый коммунистическöй партиякöт эта организацияыс оз видз некытшöм йитöттэз. Пионерскöй организация ловзьöтöмлiсь инициатива донтiсö аймаммез, а сэсся и челядьыс, эд решеннё, лоны пионерöн или не лоны, челядьыс примитöны асьныс. Пионерлiсь почетнöй ним матiсь кадö получитасö Юрлинскöй районiсь кыкöт-нёльöт классэзiсь быдöс велöтчиссез. Виль организациялiсь атрибутикасö чожа ни содтасö традиционнö́ галстуккез и лоас гижöм гимн. А медодзза пионеррез получитiсö ни медодзза заданнё, кöда бердö кутчисясö этна луннэзö ни. Кыдз шуö Юрлинскöй детскöй пионерскöй организацияись старшöй пионер-вожатöй Алена Копытова, медодзза öтласа мероприятие коста нiя пондасö виль челядь сад гöгöрын садитны сиреннезлiсь кусттэз.