Собирайся, народ, сельхозярмарка зовет!

Собирайся, народ, сельхозярмарка зовет! В Кудымкарском районе прошла весенняя сельскохозяйственная ярмарка. Участие в ней приняли не только сельские поселения района, но и садоводы Прикамья.

Карын базар. Кудымкарскöй район чулöтiс сельскохозяйственнöй ярмарка. Сыын участвуйтiсö быдöс сельскöй поселеннёэз.

Карись культурно-деловöй центр одзын оссис быдса палаточнöй городок. Тырис сiя вузасиссезöн, Кудымкарскöй районiсь, округись и сы границаэз сайись локтiсь отирöн, кöдна вöзйисö ассиныс товар. Тулысся сельскохозяйственнöй ярмарка öктiс сё витдас гöгöр участникöс.

Вузасян ряддэз торйöтчисö поселеннеэз сьöртi. Вузалiсö татöн берсясö, мыйыс только эз адззись кужись киа, уджалiсь отирлöн. Курöггез, дзодзоггез, бройлеррез, индюккез да уткаэз вайисо Верещагиноись предпринимателлез. Пöтка отир босьтiсö бура, кин яй вылö, кин вöдитöм могись.

Сiдз жö ярмарка вылiсь пызаннэз вöлiсö тырöмöсь быдкодь стряпняöн: пироггезöн да шаньгаэзон, юанöн да чöскыт пöтöса сёянöн.

Кин мый вермис, сiйö ярмарка вылiсь и босьтiс. Чери, яй да карч вузалiсö тыр. Сiдз жö пызаннэз вылын вöлiсö ма, быдкодь сувениррез и поделкаэз. Отир заптiсисö рассадаöн, знаменитöй гуринскöй огуреццез петiсö эшö ярмарка осьтöм вотöдз. Но, а быдкодь плодово-ягоднöй культураэз, пуэз да дзоридззез вöдитiссез понда сельскохозяйственнöй ярмарка вылö товар вайисö веськыта питомниккезiсь.

Быдöс вузасьöмыс мунiс коцертнöй программа пырйöт. Öксьöм йöз гажöтчис, вузасис да босьтасис.