Последний забег

Последний забег. В Кудымкаре состоялось первенство по легкой атлетике среди учебных заведений города.

Кудымкарись велöтчан заведеннёэз коласын чулалiс легкöй атлетика сьöртi первенство. Этна соревнованнёэз öктiсö Кудымкарись быдöс велöтчан заведеннёэзiсь котрасиссезöс. Быд командаын вöлi дас мортöн, сiдзжö вöлi и личнöй состав, кöдна котöртiсö ас понда.

Карлон первенство вылын быдöс участниккез пессисö медаллез понда. Сiдз кыдз этна соревнованнёэз лоöны спартакиадаись медбöрья легкоатлетическöй вермасьöмöн, сiйöн босьтны ны вылын победа, лоис быд котрасисьлöн шöр могöн. «Парма» стадион вылын легкöй атлетика сьöртi первенство мунiс кык лун. Кык лун сьöрна велöтчан заваеденнеэзiсь медбур котрасиссез вермасисö öтамöдкöт. Ны сьöрын синйис судейскöй коллегия, ны понда жö тöждiсисö болельщиккез, и только медчож спортсменнэз вермисö босьтны призовöй местаэз. Эта первенство бöрсянь победителлезöс видзчисьöны краевöй спортивнöй мероприятиеэз.