Зарядка со стражем порядка

Зарядка со стражем порядка. Сотрудники межмуниципального отдела МВД России «Кудымкарский» посетили детский профильный лагерь «Гражданин» при школе № 2 города Кудымкара. Здесь отдыхают дети, оказавшиеся в сложной жизненной ситуации. Полицейские пришли, чтобы призвать детей к здоровому образу жизни и занятию спортом. Мероприятие прошло в рамках акции «Зарядка со стражем порядка».

Здоровье вылö виль ладорсянь дзарньöв шогмис мыччавны полицияись сотрудниккезлöн. Акция «Зарядка со стражем порядка» МВД-лöн межмуниципальнöй отделiсь сотрудниккез чулöтiсö ордчöн челядькöт.

Карись кыкöт номера школалöн база вылiсь «Гражданин» нима профильнöй лагерь физкультурниклiсь лунсö чулöтiс ордчöн погоннэза отиркöт. Вежалун лунö полицияись сотрудниккез организуйтiсö учöт челядь понда акция. Мероприятие пондöтiсö сысянь, мый лоö важнöйöн быд морт оланын и здоровьелöн показателлез эстöн как раз сувтiсö медодзза места вылö.

Баитчöм коста, классын мыччалiсö, кытшöм победаэз туйö вермыны шедтыны вына, здоровöй отирлö. Сэсся теория вуджис практикаö. Спортивнöй площадка вылын ордчöн быдöнныс котрасисö и керисö зарядка. Ыджыт ловья интерес челядьлiсь чужтiсö и мастер-классэз, кöднö мыччалiсö патрульно-постовöй службаись уджалiссез, вневедомственнöй охранаись сотрудниккез и органнэзiсь мöдiк тöдчана отир.

Эттшöм ыджыт интерес челядьсянь корö думайтны, мый физкультура эта лунсянь нiя пондiсö радейтны эшö буржыка и вреднöй привычкаэз нылiсь олан орддясö бокöт.

Нуöтны здоровöй олан - эта могыс лоис «Зарядка со стражем порядка» нима акциялöн лозунгöн. Сизим - даснель годся нельдас кага активнöя участвуйтiсö здоровьелöн вежалунын. Физкультурниклöн лун колис ны сьöлöммезын дзир шоныт касьтылöммез.

Öнi челядьлöн воспитаннё, здоровье и физическöй показателлез синйöм сьöртi уджалöны быд образовательнöй учрежденнёын. И велöтчöм и гожся лагеррезын кад чулöтöм организуйтсьö сiдз, мед кагалöн развитие мунiс кыдз туйö буржыка.