О сокровищах Пермской галереи придумали Сказку

«Сказка о Пермской земле». 7 сентября в селе Юрла Пермского края открывается детская интерактивная выставка «Сказка о Пермской земле», посвященная современным интерпретациям традиций и художественного наследия нашего края.

Выставка объединяет скульптуры известного российского художника Сергея Горшкова и интерактивные объекты, выполненные по мотивам авторской книги московской художницы Зины Суровой «Сказка о Пермской земле». Оба проекта  посвящены одной из самых известных музейных коллекций Прикамья – Пермской деревянной скульптуре.

Юрлаын оссис «Сказка о Пермской земле» нима детскöй интерактивнöй выставка. Сiя посвятитöм миян крайлöн традицияэзлöн да художественнöй наследиелöн современнöй интерпретацияэзлö.

Кыдз шуö Современнöй искусстволöн Пермскöй  музейись детскöй да семейнöй образовательнöй программаэзлöн координатор Анастасия Серебренникова, таво арнас нiя осьтöны «Пермский край - территория культуры» программалöн рамкаэз пытшкын художественнöй галереякöт  кык  öтласа выставка. Выезднoй выставкалöн доныс сыын, что Юрались отирлöн, а сiдз жö и нылöн Кудымкарись, Юсьваись, Кочевоись да Гайнаись соседдэзлöн эм возможность тöдсасьны Пермскöй му йылiсь сказкакöт.  Колö висьтавны, что выставкаыс интерактивнöй, сiйöн отирыс вермасö аркмöтны ассиныс сказка, а отсаласö нылö этаын музейись уджалiссез, кöдна кык лун сьöрна, сентябрь сизимöт-кыкьямысöт луннэзö пондасö чулöтны выставка вылын челядь понда мастер-классэз.

Выставкаыс öтлаöтö тöдса российскöй художник Сергей Горшковлiсь скульптураэз да  интерактивнöй объекттэз, кöдна керöмöсь Московскöй художница Зина Суровалöн «Сказка о Пермской земле» нима авторскöй небöглöн мотиввез сьöртi. Кыкнан этна проектыс йитöмöсь Прикамьеись тöдса музейнöй коллекциякöт – Пермскöй пуовöй скульптуракöт.

Аслас пуовöй скульптураэзын Сергей Горшков шыöтчö народнöй пластикалöн безыскуснöй кыв дынö – вундалöм еннэз да орнаменттэз дынö, кöдна серöтöны Россияись керкуэз да вичкуэз. Уджжез, кöдна бöрйöмöсь выставка понда сiдз жö традиционнöйöсь, этö ангеллез да дзоридззез.

Зина Суровалöн небöг вöлi мыччалöм Москваын интеллектуальнöй литературалöн международнöй выставка вылын. Сэтчин «Сказка о пермской земле» нима небöг детскöй литература сьöртi мöдiк небöггез коласын шедтiс неöтiк диплом. Сiдз жö сылö вöлi сетöм приглашеннё примитны участие международнöй Лейпцигскöй книжнöй ярмарка вылын.  А 2014-öй годö «Сказка о пермской земле» нима небöг вöлi шуöм челядь понда медбур музейнöй проектöн.

Юрлаын осьтöм выставка  аркмöтас орсана пространстсво, кытöн челядьыс вермасö не только адззывны небöглiсь иллюстрацияэз, но и орсны, керны да сочиняйтны Пермскöй край йылiсь ассиныс сказкаэз. Экспозициялöн центрöн лоас «Пермская земля» нима ыджыт интерактивнöй объект, ордчöн кöдакöт быдкодь рöма контейнеррезiсь челядь вермасö адззыны отирлiсь, кайезлiсь, вöрпиэзлiсь фигуркаэз, пуовöй скульптуралöн да зверинöй стильын керöм изображеннеэз, вичкуэз да ангеллэз, кöднöн туйö тыртны мусö и быд пырся гижны виль сказка да аркмöтны виль персонажжез.