В Юрле найдены останки двенадцати человек

В Юрле найдены останки двенадцати человек. Склеп и останки 12 человек обнаружили строители храма в селе Юрла Пермского края.

Юрлаын вичку строиттöн адззисö даскык мортлiсь шойез. Вежа Богоявленне нимöн шуöм вичку уджалö татон уна годдэз. Посадiсь прихожана ветлöтöны вичкуö пыр.Быд суббота и кресення татöн чулалöны службаэз. Мед вöлi шоныт, асьныс лонтöны гор, видзöны сöстöма да бура, кöть и важмыны годдэз кывтiкö святыня ештiс ёна.

Строитны Юрлаын виль вичку кутчисисö ни, но уджжез пондöтöм öнöдз некин оз вермы вунöтны. Котлован гарйикö эта местаись, важ вичку увтiсь, адззисö дзебöм отирлiсь шойез.

Важ вичкулöн фундамет сiдзжö петiс гарйисьöм коста. Баитöны, мый даскыкьямысöт векö эта местаын крепыта сулалiс изiсь строитöм вичку. Адззöм шойез увья и удж стройка вылын недыр кежö сувтчывлiс. Эттшöмсö юрлинса эз видзчисьö. Дзебöмöсь отир вöлiсö алтарь гöгöр, мукöдыс сы увтын,

Кытчöдз виль вичку понда фундамент эз кисьтö, даскык мортлiсь шойез видзöны важ воскреснöй школаын. Шойесö, кöдна бура тшыкисö - мешöккезын, кöдна эзö – торйöн. Кинöн вöлiсö этна отир, кыдз шуöны Юрлаись олiссез, висьтавны сьöкыт. Мог öнi прихожаналöн öтiк, достойнöя дзебны останоккез. А эта лоас керöм сёрöнжык, öнi Пресвятöй Богорица нима виль храм понда места лöсьöтны дзир пондöтчисö.