Первый раз в 1-й класс

Первый раз в 1 класс. В гимназии № 3 города Кудымкара за парты в новом учебном году сели 1139 учеников. Из них впервые перешагнули порог учебного заведения и сели за парты 130 первоклассников.

Пондöтчис виль велöтчан год. Знаннеэзлöн лунö школьнöй звоноклöн медодзза шы горалiс быд школаын. Торжественнöй линейка чулалiс и карись куимöт номера гимназияын.

Дзирыт апплодисменттэзöн куимöт номера гимназияын панталiсö медодзза классiсь велотчиссезöс. Вит медодзза классö таво локтiсо велöтчыны сё куимдас первоклассник. Лоис традицияöн чулöтны этö праздниксö шондi увтын. Лöсялiс сiдз, мый сентябрь медодзза лунö челядьлiсь вежалун гажа погоддя эз орддьы. Бур атмосфера дзир радуйтiс, кöть и первокласниккез да нылöн аймам понда этö зэв тöждiсяна праздник.

Велöтчыны только вит вылö, лоны успешнöйöн, мывкыд велöтчисьöн кöсйисö кыдз матiсь отир, сiдз и велöтiссез да гöссез.

Нем сiдз оз гажöт эта лунö, кыдз бытшöм сарафаннэз, банттэз, чикиссез и дзоридззез. И видзчисисö этö лунсö нiя быдöнныс öткодя ёна, кыдз учöт, сiдз и ыджыт йöз.

Праздничнöй мероприятие эта школаын, кыдз и уна мöдiк карись школаэзын мунiс концерт пырйöт. Куимöт номера гимназияись 1139 велöтчись понда горалiс медодзза сентябрьскöй звонок. Виль велöтчан год пондöтчис.