Рыжий праздник

Рыжий праздник. В селе Верх-Юсьва Кудымкарского района состоялся фестиваль «Ай да рыжик». Он стал уже двенадцатым по счету.

Веж-гöрд юра тшак сетiс уна дзирыт эмоцияэз. Тшакьялöм - уна морт понда зэв радейтана увлеченне, сiйöн возможность рыжыкавны отир оз орддьö. Тысячася унажык тшакьялiсь этна шоччисян луннэзö öксисö радейтана «Ай да рыжик» вылын.

Быдöс медрадейтанаыс, солаыс и совтöмыс, пуöмыс и пöжöмыс, учöтикöсь, коккезтöг, быдсаöсь – быдкодь рыжикись сёяннэз кытсалiсö ас дынаныс. И быдöс этö позис адззыны кузь вежалунся прилавоккез вылiсь радейтана тшаклöн вежалун вылын.

Тшакьялiссезлöн традиционнöй конкурс «Охота на рыжиков» пондöтчис увлекательнöя. Даскык азартнöй любитель вермасисö медбур тшакьялiсьлöн званне понда. Кошшисö рыжиксö быд кöз увтiсь, но дзир мукöдыс тöдiсö, кытöн быдмö веж-гöрд юра тшакыс.

Грибнöй конкурс участниккезлö вайис уна гаж. Кин мымда и кытшöм тшак öктiс, донтiсö видзöтiссез. А вот медуна рыжиккез дöнзис öктыны В-Юсьвинсалö, нiя ассиныс тшака местаэз тöдöны бура, сiйöн опытнöй тшакьялiссезлö победа киö локтiс ачыс.

Краевöй народнöй праздник «Ай да рыжик» таво чулалiс дакыкöт пырся ни. Сiя кыдз и пыр козьналiс невунöтана касьтылöммез быдöс öксьöм йöзлö.