Русский остров: коса звенела, гармошка пела!

Реализация проекта «Русский остров» продолжается. Издан путеводитель по Юрлинскому муниципальному району «Юрла – «русский остров» Пармы». Так же в рамках реализации проекта в Юрле построена многофункциональная площадка.

Юрлинскöй районын одзлань зорамö «Русский остров» нима проект. «Центр культуры Пермского края - 2015» нима программалöн рамкаэз пытшкын мунö паськыт удж.

«Русский остров» - сiдз Юрла посад шуöны этнограффез и историккез. Нёль сё год коста эта му вылын бура йитсисö öтамöд коласын быдкодь обычайез, быт и традицияэз. Öнi быдöс эта успешнöя зорамö «Русский остров» нима проект пырйöт.

Могöн зорöтны да кольны том поколенне понда быдöс донасö, тöдчанасö и коланасö юрлинса лэдзисö ассиныс путеводитель. «Юрла. Русский остров Пармы» нима небöг пытшкö чукöртiсö уна быдкодьсö. Путеводитель кытшöвтö быдöс Юрлинскöй районсö, висьтасьö историко-культурнöй наследие йылiсь, висьтасьö лыддьöтiсьлö, кыдз аркмис да быдмис посад, тöдсöтö современностьöн.

Пырисö проект пытшкö и зоралöм сьöртi мöдiк уджжез. Керамика юрлинса коласын адззис ассис места и том югöррезöс, кöдна радейтöны мастеритны. Мастер-классэз вылын челядь тöдмалöны виль ремесло, нельки пондiсö буржыка вежöртны искусствоын.

Кыдз баитöны татiсь уджалiссез, это только медодзза джыдж. Планнэз эшö ыджытöсь. Ачыс «Русский остров» нима проект сетö юрлинсалö бур возможность судзöтны ыджыт планнэз. Сiя жö многофункциональнöй площадка вöлi строитöм и осьтöм проект отсöтöн. Юрлинса веритöны, мый лоны успешнöйöн районлö нем оз вермы мешайтны.