Риск ради удовольствия

Риск ради удовольствия. Не успели водоемы как следует покрыться льдом, как любители подледного лова с риском для жизни вышли на тонкий лед.

Вöснит йы кажöтö кок увтын, но чери кыйиссезöс эта немымда оз полöт. Эшö тöн Василий Нечаев казялiс тöвся чери кыйöм радейтiссезöс асланыс радейтана удж сайын. Талун ачыс киас босьтiс вугыршать. Эд эта сы понда обычнöй удж.

Ваыс эшö эз ешты быдсöн вевттисьны йынас, и кокнита туйö шедны ва увтö. Но черикыйиссез повтöг пукалöны неылын берег дынсянь. Шуöны, что йыыс, кöть и кажöтö коккез увтын, вермас ни видзны мортсö.

Оз падмöт и сiя, что унаöн ны коласiсь неöтпырись ни шедлiсö йы увтö. Эд тöвся чериалöм ны понда ыджыт увлеченне. Василий Ососов петö йы вылö неöтiк дас год гöгöр ни. И рискуйтö аслас оланöн не кынымкö кыйöм чериок понда, а удовольствие понда.

Специалисттэз кыввез сьöртi, мед йы вермис видзны öтiк ыджыт мортöс, сiя должен лоны сизим сантиметра кыза, а если неöтiк мортöс – то не вöснитжык дас сантиметрася. Öнi жö кытчöдз предупреждайтöны, что петны йы вылö öддьöн опасно.

Ну а талуння чериалöм коста йы увтас некин эз шед. Челядьыс сiдз жö эз вöлö. А кыдз шуöны черикыйиссез, петны йы вылö пондасö и одзлань. Эд если йыыс сувтiс ни ва вылас, то и чериыс буржыка шедны пондас.