Не асфальтöн тэ вевттьöм, не волькыт…

Эх, дороги, непролазная грязь… Несмотря на то, что в городе ремонт дорог ведется каждый год, до сих пор есть такие участки, по которым в дождливую погоду ни пешком пройти, ни на машине проехать. К таким участкам можно отнести большинство дорог микрорайона Заболотный.

Не асфальтöн тэ вевттьöм, не волькыт… Кудымкарись туйез вылын ремонтнöй уджжез керöны быд год. Но буржыккезöн нiя озö лоö. Эта йылiсь шуöны Заболотная микрорайонiсь олiссез. Кыдз Западный нима переулок вылын, сiдз и Заболотнöй микрорайонiсь мöдiк улицаэз вылын оз туй мунны сiдз, мед не нятьöсьны кок. Лилия Рочева корö юралiссезöс кывны нiйö да отсавны аркмöм проблемаын.

Дöнзьö и отирлö, кöдна ветлöтöны дзир подöн. Александр Боталов уджалö почтальонöн. Сiя кытшöвтö ассис территориясö быд лун, кытшöм бы öтöрын эз вов погоддя. Сiя лыддьö, мый туйез эстöн öддьöн умöльöсь.

Эта проблемаыс аркмис не тöн и не талун. Уна годдэз ни татiсь погоддясö отир торйöтöны куим тор вылö – нять, нять косьмис, нять кынмис. А эшö тöвнас туйез татöн лымсянь весöтöны шоча. И быдöс сысянь, что невежöртана, кинлöн эта туйыс.

Светлана Рожкова олö эта туйсянь сiя ладорын, кöда относитчö Степановскöй сельскöй поселеннё дынö. Сiя шуö, мый быд год вештö налог, а ветлöтны ковсьö умöль туйез вылöт. Арöн да тулысöн машина сибдö. Инькалöн кыввез сьöртi, нiя не öтпыр ни висьталiсö юралiсьлö асланыс проблема йылiсь.Петö сiдз, мый кöднöкö улицаэсö должен лöсьöтны кар, а кыöднöкö район.

Эна туйез вылын ремонт сьöртi уджжез пондасö керны локтан годö. Сьöм эта понда кольöм тавосянь. Этадз телефонöт шуис карлöн öнняся юралiсь. Но, а медбы сетны улицаэсö öтiк хозяинлö, мед лоис вежöртана, кин должен нiйö лöсьöтны, колö отирсянь инициатива.