«Ыджыт туй» кузя…

По большой дороге… В селе Коса прошел V Межмуниципальный фестиваль исторических мест «Ыджыт туй» (Большая дорога). Изюминкой на нем стал парад сельскохозяйственной техники.

«Ыджыт туй» кузя… Фестиваль лунö быдöс отирöс панталiсö вичку дынын. Вежалун пондöтчис молебенсянь. Благовест чулöтiсö Московско-Сибирскöй тракт кузя локтiсь госсез понда. Кыдз баитчö пöрись отир коласын, бур удж пондöтчö юрбитöмсянь. Юрбитöмсянь вöлi осьтöм и «Ыджыт туй» нима витöт межмуниципальнöй фетиваль

Таво первуись фестивальыс чулöтсис Пермскöй крайись губернаторлöн администрация да Коми-Пермяцкöй этнокультурнöй центрлöн отсöт дырни «Обеспечение взаимодействия общества и власти» нима программа зорöтöмлöн рамкаэз пытшкын.

Эз чулав эта праздникыс и шествиетöг. Ассямаöн лоис сельскохозяйственнöй техникалöн парад. Косинса мыччалiсö быдöс техникасö, кöда отсалö нылö уджын.

Косинскöй ярмарка вылын районiсь быд поселеннё представитiс ассис товар. Тырдоз таво вöлi берся вылö. Косаись кужись киа инькаэз гоститöтiсö пельняннезöн. Чазевскöй поселенне - быдкодь тшакöн да сыись керöм чöскыт сеянöн, Светлица вайис уна чери, а Левичансалö дöнзис ягöда места. Бура лöсьöтöм сёян-юан лоис сьöлöмви быдöнныслö, кин ештiс тöдмавны рецепт да чöскöтны öм.

Кузь лун отир гажöтчисö да пуисö чöскыт каша. Ештiсö видзöтны уна выставкаэз и участвуйтны ассяма конкурссэзын.