Бикöт орсны оз туй!

«Мы горим!» В Кудымкаре в рамках месячника по безопасности в доме престарелых прошли учения. Во время условного пожара покинуть помещение успели все. Пострадавших нет.

Бикöт орсны оз туй! Безопасность сьöртi месячник чулöтöм коста Кудымкарын мунöны быдкодь тренировочнöй ученнёэз да эвакуационнöй мероприятиеэз.

Сиреналöн гудок и чожа мыйись ыджыт тшын, этасянь быдöнныс пöрись отирыс петiсö öтöрö. Пöрись отирлöн керкуын чулалiсö ученнёэз. Условнöй пожар коста эвакуируйтчыны вермисö быдöнныс.

Асьныс дед-баббез лыддьöны, мый этшöм тренировкаэз ныкöт чулöтны колö. Эд отир нiя, кыдз шуöны асьныс, пöрисьöсь, мукöдыс не быдöнныс самостоятельнöйöсь, сiйöн ежели мый умöльыс шогмас, безопасность сьöртi правилоэз лоасö тöдсаöсь ни.

Тренировочнöй ученнёэз бöрсянь пожарнöйез чулöтiсö видеопантасьöм. Сы коста мыччалiсö бипуррез йылiсь кино, бöрйисö аркмöм юасьöммез да быдкодь заданнёэз, йитöмöсь кöдна вöлiсö пожарнöй безопасностькöт.

Пöрись отирлöн керку вöлi карись нiя объекттэз коласiсь, кытöн чулöтчис этшöм мероприятие, дзир öтiкöн. Ученнёэз эта месяцö лоасö эшö и мöдiк пожароопаснöй объекттэз вылын.