Адыгейскöй керöм сыр пызан вылiсь оз быр дыр

Адыгейский сыр по-коми-пермяцки. Жительница д.Подъяново Кудымкарского района готовит адыгейский сыр в домашних условиях. Рецепт простой, а вкус и качество продукта лучше.

Адыгейскöй керöм сыр пызан вылiсь оз быр дыр. Ас киэзöн керöмыс пыр ни буржык – этакöт согласитчасö быдöнныс. А эшö сiя чöскытжык, лыддьö Подъянова деревняись олiсь Надежда Подъянова, кöда ачыс керö адыгейской сыр.

Медбы керны адыгейскöй сыр, эмöсь уна секреттэз. Сiдз, например, медбы йöв эз лякась миска бердö, с1я должен лоны нержавейкаись. Пизьöтны йöвсö оз ков, колö дзик шонтны öкмысдас (90) градусöдз.

Сэсся йöвас колö содтыны сов, джын литра мымда сыворотка да невна уксус. Кöр йöвыс шöммас, сысъявны, ляпкöтны да пуктыны сайкыт местаö. Вот этшöм ассяма рецепт сьöртi Надежда Васильевна керö сырсö куимдас год ни. Эта дырна ни сiя видзö мöссэзöс. Кöр челядьыс вöлiсö учöтöсь, видзис подасö уна, öнi видзö öтiк мöс.

Одзжык отирлö вöл1 кокнитжык, колхозö примитлiсö йöв и быдöс асывся удойсö сiя сетлiс сэтчин. А öнi воштыны йöвсö лоис некычö. Этасянь, натьтö, деревняэз и дугдöны видзны грисьжык подасö. Но кин оз дышöтчы видзны подасö, сылöн пызан вылын быдöс свежöй: парнöй йöв, нöк да рись, и конечно жö сыр, кöдö татöн быдöнныс зэв ёна радейтöны.