Озъягöд – ягöдок, небыт бока гöрд тусёк…

Земляничка – ягодка садовая. В то время, как сбор земляники на лугах и лесных полянках давным-давно завершился, в огороде Владимира Долинина эта ягодка начала только поспевать.

Озъягöд – ягöдок, небыт бока гöрд тусёк… Озъягöд быдмö öнi не дзик вöрын, но и отирлöн карчйöррезын. Но шогмö сiя дзир гожум шöрöдз. А вот карись öтiк олiсьлöн ягöд пондöтiс дзоридзасьны август помö. И öнi хозяева чöскöтöны öм садовöй озъягöдöн.

Владимир Долинин вöдитö садовöй земляникасö уна годдэз ни. Сорттэз вежалö öддьöн часто, бöрйö быдöс коласiсь медбурресö. Этасянь и урожай пыр гажöтö. Эта ягöдлiсь сортсö кошшис дас год гöгöр. Ассяма сортыс сетö урожайсö год вылас кыкись. Но ас сьöрас корö бур уход, сiдз жö, кыдз унажык быдмассэз. Эта карчйöрын эм уна чöскытыс. Öмидзлöн быдкодь сорттэз сетöны ягöдсö гожумсянь сёр арöдз.