Юсьвинскöй ЗАГС посадын лоис медбытшöм местаöн

Лебединая верность. После ремонта здание Юсьвинского ЗАГС превратилось в настоящие царские апартаменты. Зарегистрировать свой брак приезжают пары даже с других районов. А скульптурная композиция «Лебединая верность» стала излюбленным местом местных жителей.

Юсьвинскöй ЗАГС посадын лоис медбытшöм местаöн. Быдса гожум Юсьвинскöй ЗАГС гöгöр чулöтчис благоустройство сьöртi удж. Öнi Юсьвинскöй ЗАГС дивитö отирöс аслас басöкöн. Ежели одзжык ковсис томмезлö гижсьыны учöт, важ помещеннёын, то öнi этö ыджыт, позьö шуны, царскöй апартаменттэз. А кыдз торйöтчöны ЗАГСлöн уджалiссез, томмез, мед гижсьыны, пондiсö сё унажык бöрйыны Юсьва. Мед öтлаасьны, локтöны нельки мöдiк территорияэз вылiсь, мöдiк пропискаöн. Семейнöй законодательство эталö оз мешайт. Сэтшöм параэсö ЗАГСын таво лыддисö куимö. Кыдз думайтöны специалисттэз, регистрациялöн цифраэз бура содiсö сiйöн, мый эталö эмöсь бур условиэз.

Öнi эта местаыс пользуйтчö ыджыт спросöн не дзир том гозъя, но и районлöн олiссез да гöссез коласын. Отир локтöны фотографируйтчыны да шоччисьны эта уголокö. Кыдз висьтасьö Надежда Аркадьевна, локтöны нельки экскурсияöн, мед только видзöтны ЗАГСсö. Радöсь эта арт-объеклö и местнöй отир.