Сувтö öтласа гимнастика вылö!

«Сердце для жизни». Под таким названием в минувшее воскресенье Кудымкаре прошла акция, посвященная дню сердца. В этот день жители города вышли на массовую зарядку.

Сувтö öтласа гимнастика вылö! Эшö Советскöй Союз коста вöлi традицияöн пондöтны шоччисян лун физическöй гимнастикасянь. Öнi сэтшöмсö адззылан шоча, но кольöм кресенняö карись олiссез петiсö öтласа гимнастика вылö. Этадз нiя порйöтiсö сьöлöмлiсь лун. Акция пондöтчис сысянь, мый кымöрö лэдзисö сьöлöм кодь формаöн шаррез и сы бöрсянь пондöтчис здоровье бурсьöтöм. Инструкторöн эта зарядка вылын вöлi лечебно-физкультурнöй диспансерись специалист Ольга Пахорукова.

Быдкодь физическöй упражненнёэз лоисö вын сьöртi и пöрись отирлö. Нiя öтмоза быдöнныскöт чеччалiсö и бергалiсö, нельки асланыс годдэз йылiсь вунöтiсö.

«Сердце для жизни» нима акция вылын активнöй участие примитiсö куимöт номера гимназияись велöтчиссез. Сьöлöмлöн лун кежö челядь рисуйтiсö быдöнныслö ассяма открыткаэз-сьöлöмоккез, этадз нiя кöсйисö отирлö шуд, здоровье да вын.

Эта жö лунö бесплатнöя позис шедны медицинскöй осмотр вылö. КДЦ пытшкын отирöс видзчисисö поликлиникаись веськöтiссез. Татöн вöлi и терапевт, и ЛОР и кардиолог.

Желающöйез мунны обследованнё пырйöт вöлiсö неетша. Öтiккезлiсь меряйтiсö давленнё, а мöдiккез керисö УЗИ. Быд шогалiсьлö вöлi гижöм медицинскöй заключеннё.