Вын только вöрзис, ыбыс гöрсис

Ест за одного, работает за пятерых. В СХПК «Совет» Юсьвинского района в этом году приобрели новую технику немецкого производства. Один «Аксион  850» заменяет пять МТЗ.

Вын только вöрзис, ыбыс гöрсис. Юсьвинскöй районiсь «Совет» нима колхоз таво небис кык виль трактор да погрузчик. Эта техникаыс вермö уджавны быдкодь погоддя коста. Сiйö оз повзьöт нельки уль му. И ежели одзжык кыкьямыс гектара ыб гöрöм вылö мунiс кык лун, то öнi эта удж вылö мунö джын лун гöгöр.

Этшöм тракторрез колхозöн вöлiсö небöмöсь кыка.  И таво  зябсö лэбтöны, позьö шуны, только нiя. Талуння лун кежö гöрöм 1300 гектар, тысячасö гöрисö «Аксионнэз». Одзжык ыб вылын уджалiсö дас-дасвит единица техника, то öнi «Аксион  850» вермö вежны вит МТЗ. Сiдз жö «Совет» небис погрузчик. Колхозлöн  уджалiссез ласковöя шуöны сiйö  «скорпиончик». Эта техникаыс вермö керны быдкодь удж кузь год.

Кыдз шуö хозяйствоöн веськöтлiсь, одзлань лоас небöм «Аксион» понда косилка, мед сiя вермис уджавны и сенокос коста. Но германскöй технологияэз хозяйство понда сувтiсö не донтöма.

Кытчöдз жö сулалö бур погоддя, колхоззэз уджалöны ловзисьтöг. «Совет» оз пов сыись, мый оз ешты лэбтыны зяб, эд виль техника сетö ыджыт гарантия сылö, мый быдöс удж лоас керöм ас кадö.