«Ме видзчися тэнö, мама!»

«Пусть мама услышит…» В Пешнигортском детском доме прошёл день открытых дверей.

«Ме видзчися тэнö, мама!» Пешнигортiсь челядь понда керкуын ассиныс аймаммезнысö видзчисьöны куимдас зоночка да нылочка. А чулалöм шоччисян луннэзö сэтчин чулöтчис осьтöм ыбöссэзлöн лун. Эта лунö сэтчö локтiсö татiсь воспитанниккезлöн аймаммез, отир, кöдна босьтöны бы пиэзöс семьяэзö, а сiдз жö быдкодь юралiссез.

Пешнигортiсь челядь понда керкулöн юралiсь Григорий Мехоношин торйöтчис, мый сы одзын сулалöны кык ыджыт мог. Öткö, отсавны унажык пиэзлö адззыны аймаммезöс, мöдкö, лöсьöтны челядьлöн олöм понда бур условиеэз. Эта керкуын пиэзöс зорöтöны быд ладорсянь. Велöтöны уджавны, радейтны мам му. Ыджыт вниманнё сетсьö здоровьелö. А челядёккез татöн быдöс бурöсь.

Талуння лун вылö Коми-Пермяцкöй округын 212 приёмнöй семья, кöднаын олöны 482 кага. Сiдз жö челядь олöны опекунскöй семьяэзын. Сiдз кö петö, мый замещающöй семьяэзын талуння лун вылö олöны öкмыссё пися унажык. Но сё эшö кольччöны нiя, киннэз видзчисьöны аймаммезöс.

Талуння лун вылö округын усыновителлезö нёль кандидат, вит семья – приёмнöй аймаммезö. Этö етша. Этасянь юралiссез корöны видзöтыштны пиэзлöн синнэзö, поди кинкö адззас ас понда кагаöс, кöдалö вермас сетны ассис радейтöм.