Ыджыттэз и учöттэз петiсö «Кросс Наций» вылö

На старт! Внимание! Марш! «Кросс Наций 2014» собрал в этом году около трехсот спортсменов Кудымкарского района.

Ыджыттэз и учöттэз петiсö «Кросс Наций» вылö. 2014-öй годся «Кросс Наций» öктiс Белоевоын быдкодь возрастаа котрасиссезöс. Пондотчисö соревнованнёэз полицияись сотрудниккезöн лöсьöтöм выступленнёсянь. Ассяма вермасьöм коста вöлi мыччалöм бур физическöй подготовка. Кросс вылын медодззаэзöн стартуйтiсö медучöттэс, этö 2005-öй годся и учöтжык возраста челядёккез. Дистанция вöлi öтiк километра, но и сiйö котöртöм понда колiсö неетша вын да кужöммез.

Локны медодззаэс коласын шуд дöнзис не быдöнныслö, но соревнованнёлiсь участниккесö эта немымда эз гажтöмт, эд кöр эшö усяс этадз котöртны быдöнныслö, ежели не «Кросс Наций» вылын, котрасьöмлöн Всемирнöй лун вылын.

Тавося «Кросс Наций» öктiс куимсё гöгöр спортсменöс. Ны коласын вöлiсö учöт и ыджыт челядь, спортлöн ветераннэз, велöтiссез и эшö уна мöдiк желающöйез.

Кросслöн торжественнöй тор, награджденнё, чулалiс Белоевскöй культура керкуын. Наградитiсö кыдз велöтчиссезöс, сiдз быдкодь структарэзiсь уджалiссезöс. Медбурреслö козьналiсо кубоккез, медаллез, дипломмез и нельки денежнöй премияэз.