Тырдоз!

«Не скупись честной народ…» В Кудымкаре прошла сельскохозяйственная ярмарка. На ней свою продукцию представили не только поселения Кудымкарского района, но и фермеры, и пчеловоды других регионов.

Тырдоз! Вöзйисö товар и корисö босьтасьны быдöс вузасиссез, кöдна локтiсö арся сельскохозяйственнöй ярмарка вылö. Вот уж тырдоз дак тырдоз! Арся ярмарка вылын вöлi быдöс, мый бы колiс босьтiсьлö: парниккезын да огоречын быдтöм карч, быдкодь быдмассэз, чöскыт стряпня, сур да ырöш, кöдö перыта босьталiсö чöскыт юансö радейтiсь отир.

Уна гортпода да гортпöтка ярмарка вылын эз вöв, но эта направленнё сьöртi öнi мунö паськыт удж. Вöлiсö татöн нельки немецкöй породаа порссез. Гырись йöз нiйö босьталiсö, а челядь любуйтчисö, кыдз и уна мöдiк гортподаöн, кöдö сьöраныс вайисö фермеррез.

Продукциясö эта ярмарка вылын представитiс Кудымкарскöй районiсь быд поселеннё, вöлiсö и ылiсь каррезiсь вузасиссез, этö плодово-ягоднöй питомниккез видзиссез да мошвöдитiссез.

Сёян–юанся, ягод-тшакся, татöн вöл1 и паськöм-кöмкöт, В-Иньвенскöй сельскöй поселеннёись инькаэз радуйтiсö асланыс кыйöм половиккезöн.

Отир ярмарка вылын босьтасисö и шоччисисö. Гажа выступленнёэз да орсаннэз вöлiсö лöсьöтöмöсь кыдз челядь понда, сiдз и пöрисьжык отир понда. Вöлi эта вежалун вылын эшö и лотерея. Сы коста участниккезлö сiдз жö козьналiсö быдкодь берсясö, кöда колö хозяйсвоын. Арся вузасьöм чулалiс бытшöма, бура да гажöна.