Кошша удж!

О, дайте, дайте мне работу! В этом году в окружной центр занятости населения в поисках работы обратились 7500 человек.

Кошша удж! Сизим тысяча витсё уджтöм морт таво обратитчисö населеннелöн занятость сьöртi окружнöй центрö. Официальнöя безработнöйлöн статус вöлi сетöм нёль тысяча кыксё безработнöйлö, этö етшажык, нежели мöйму.

Октябрь медодзза лун вылö трудоустройстволöн учёт вылын официальнöя сулалöны öтiк тысяча кыкьямыссё уджтöм морт. Ежели баитны быдсöн округ сьöртi, медсьöкыт ситуация видзсьö Косинскöй районын.

Мед отсавны отирлö моральнöя, психологическöя, а сiдзжö велöтны виль кужöммезö, населеннелöн занятость сьöртi центр сетö возможность бесплатнöя велöтчыны курссэз вылын. Политехническöй техникумлöн база вылын инькаэз да том нывкаэз тöдмалöны кулинария.

Чöскыта да правильнöя пöжасьны-стяпайтны велöтчöны быдкодь районнэзiсь биржа вылын сулалiсь отир.