Сетöм сьöм удж зорöтöм понда бур отсöт

Уджтöм отирлö отсöт сетöм сьöртi программа населеннелöн занятость сьöртi центрын уджалö 2009-öй годсянь. Эта кад коста деньгаöн ештiсö отсавны не öтiк сотня мортлö. Öтiкöн ны коласiсь лоö Марина Каланди. Нылöн асланыс хозяйство, кöдö ордчöн жöникыскöт нiя ыждöтiсö уджтöм отирлö отсöт сетöм сьöртi населеннелöн занятость сьöртi программа пырйöт. Гортпöтка нiя видзöны быдкодьö, это: северо-кавказскöй чочком да сьöд индюккез, курöггез брамо, сусек и саброкс. Эмöсь дзодзоггез, быдкодь уткаэз да индоуткаэз. Быдöс невнаöн, но удж тырмö.

Быдтöны Каландиэз и виноград. Гожумöн татiсь позьö адззывны быдкодь сорта чöскыт южнöй ягод. А трудоустройствоись специалисттэз эталö радöсь, эд морт öнi удж дорын, безработнойезлöн списокись лыд чинiс да и сетöм сьöм видзöм не весь. Таво сё сизим тысяча кыкьямысдас рубöн вöлi сетöм кыкдас вит мортлö, нiя быдöнныс гижисö бизнес-план.