Яндекс.Метрика

Кудымкарскöй районiсь Кувинскöй шöрöт школаын оссис кадетскöй класс

Талуння вежалун Кувинскöй школаын видзчисисö важын ни. Идея осьтны школаын кадетскöй класс öтмоза видзисö кыдз велöтiссез, сiдз и челядьлöн ай-мам. Торжественнöй линейка вылын челядь Россиялöн гимн бöрсянь сетiсö клятва. Клятва бöрсянь быд кадет получитiс удостовереннё. Документ, форма да погоннэз пондасö корны челядьлiсь удж да велöтчöм дынö эшö ыджытджык кужöммез да старннёэз. Кадетскöй классын велöтчöны квать нылочка да сизим зоночка. Велöтчан годлöн кык месяц чулалiсö ны понда не простöя. Эд школьнöй программася челядь пондiсö унажык занимайтчыны внекласснöй уджöн. Нiя пыдынжыка пондасö осваивайтны ОБЖ, велöтны хореография, этикет да кулинария.

Кадетскöй движеннё округын öктö вын. Талун Коми округын квать кадетскöй класс. Нёльыс велöтчöны Кудымкарскöй районын. Ны понда специальнöй программаэз эшö абу, но удж эта ладорын мунö ни. Эд патриотическöй воспитаннё миян странаын пыр вöлi торья почётнöй места вылын.


Опубликовано: 21.11.2014 в 12:31 в рубрике - Новости

Комментарии

К этой статье пока нет комментариев. Вы можете стать первым!


Добавить комментарий:

Все поля должны быть заполнены.

Имя

Электронная почта

Текст комментария:
Вводите только текст. HTML-форматирование удаляется автоматически.

Перезагрузить картинку можно кликнув по ней.  

Введите цифры с картинки.

Обратите внимание