Школу - на замок

Невеселая ситуация. В поселке Веселый Мыс Кудымкарского района закрывают школу. Родители с таким решением не согласны и написали письмо в администрацию района.

Весёлöй Мысын гажтöм ситуация. Кудымкарскöй районiсь Веселöй Мыс поселокись школа лöсьöтчöны пöднавны. Кыдз баитöны отир, ачыс нiя кытчöдз некытшöм официальнöй документ эшö эз адззылö. Но полöны, мый школа пöдналöмыс, этö дзик медодзза оськöв.

Таво школаын велöтiсö первöй да кыкöт классэз. Быдöссö партаэз сайын пукалiсö вит челядёк. А виль велöтчан годö партаэз сайö пуксясö дзик кык велöтчись. Эта и лоис школа пöдналöмлöн причинаöн.

Öнi гожся каникуллэз увья школаыс оз уджав. А осьтас я сiя ассис ыбöссэсö виль велöтчан годö, висьтавны сьöкыт. Öнi, мед кольны школасö, отир корöны кольны не дзик медодзза кык класс, а унажык.

А то петö сiдз, мый öнi быдöс начальнöй классэслö ковсяс ветлöтны ордча посадiсь школаö, а сiя ны дынсянь даскык километра ылынаын, да и туйыс ны коласын не öддьöн бур. Но юралiссезлöн эта ситуация вылö асланыс дзарньöв. Велöтны кык мортöс торья школаын – удж абу выгоднöй. Эта понда школаын штат должен сулавны сизим мортiсь. Да финансированнёлöн виль форма сьöртi сьöмыс быдöс вылö оз тырмы.

Но посадiсь олiссез сетчыны оз думайтö. Нiя гижисö ни районнöй администрацияö письмо. А июнь кыкдас нёльöт лунö лоас чулöтöм посёлокын олiссезлöн сход, кöда вылын и лоас бöрйöм школалöн одзланься судьбаыс. И отир олöны надеяöн, мый неважын школаын горалöм медбöрья звонокыс оз ло велöтчан заведенне понда медбöрьяöн.