Весенняя палитра

Весенняя палитра. 11 талантливых ребят Кудымкара приняли участие в краевом этапе Всероссийского конкурса «Весенняя палитра». Дипломы первой степени за свои работы получили молодые мастера Илья Петухов и Никита Тупицын.

Енбиа том отир. Апрель месяцö Кудымкарын чулалiс «Весенняя палитра» нима конкурслöн краевöй этап. Сыын участвуйтiсö карись быдöс школаэз. Мыччалöм уджжезiсь карись жюри бöрйис дзир дасöтiкö. Медбур композицияэзлiсь авторрезöс этна луннэзö донтiс краевöй жюри.
«Радуга» нима детско-юношескöй центрись дас воспитанник и медодзза номера школаись öтiк велöтчись примитiсö участие краевöй выставка – конкурсын. Перемын «Весенняя палитра» нима вермасьöм вылын быдöннысö нiйö ошкисö.

Том мастеррезлöн творчество бура радуйтiс жюриöс. Краевöй конкурс вылын Илья Петухов презентуйтiс мистическöй персонажöс. Не öтiк лун коста банiсь мастеритöм вакуль ештiс покоритны не öтiк сьöлöм. Бур удж и ыджыт творческöй потенциал понда Ильялö козьналiсö медодзза степеня диплом.

Сiдз жö медодзза степеня диплом дöнзис Никита Тупицынлö. «В стихах душа народа» нима экспозиция шогмис историко-культурнöй тематика ладорсянь öддьöн пыдынöн. Парма му йылiсь босьтöм кывбур лоис зэв сьöлмви быд видзöтiсьлö.

Быд вермасьöм вылын Кудымкарись творческöй челядьöс казялöны сразу. Вот и таво кужись киа том мастеррезлöн авторскöй произведеннёэз эз кольччö вниманнетöг и «Тулысся палитра» вылын.