Чисто не там, где убирают, а там, где не мусорят

Чисто не там, где убирают, а там, где не мусорят. В Кочевском районе борьбу с несанкционированными свалками под свой контроль взяла прокуратура. По словам главы района, единственный выход хоть как-то избавиться от мусора - это построить завод по утилизации отходов.

Несанкционированнöй свалкаэзлöн лыд Коми округын содö. Кыдз висьтасьö Кочёво посадын олiсь Сергей Сизов, ёгсö чапкöны быдöнныс, кинлö абу дыш. Ачыс сiя уджалö несанкционированнöй свалкакöт ордчöн отходдэзлöн переработка вылын. Шуö, мый квать год сьöрна ёгыс эстöн лоис öддьöн уна, эд вайöны сiйö татчö кыдз простöй отирыс, сiдз и промышленниккез. А дзимлавны свалкасö сiдз некин эз и пондыв.

И эттшöм проблемаыс омöн район пасьта. Медбы кöть кыдзкö вежны проблемасö, аркмöм ситуациясö аслас контроль увтö босьтiс прокуратура. Медодз нiя кутчисиö ордча поселеннеэзiсь учöтжык свалкаэз бердö. Прокуратураöн ыстöм исксö судыс удовлетворитiс. Öнi местнöй чиновниккезлö свалкасö колö дзимлявны.

Пелымскöй поселеннёлö ёг дзимлялöм вылö кадсö сетiсö кык месяц. Но и эстöн аркмисö проблемаэз. Кыдз шуöны специалисттэз, ёгсö новйыны некытчö, сiдз кыдз санкционированнöй свалкаэс тырöмöсь ёгнас.

И кыдз шуöны асьныс, эта проблемасö оз бырöт. Чулалас месяц-мöд и свалкаэс аркмасö вились.

Этшöм свалкаэс эмöь почти быд деревня дынын. И кыдз шуöны местнöй юралiссез, новйыны ёгсö öтiк местасянь мöдiк вылö проблемасö оз решит. Районлöн юралiсь кыввез сьöртi, медбы кöть кыдзкö мездiсьны ёгсянь, колö строитны ёг утилизация сьöртi завод.