Начинающим фермерам Кудымкарского района выдали сертификаты

Начинающим фермерам Кудымкарского района выдали сертификаты. Кудымкарскöй районiсь администрацияын чулалiс торжественнöй мероприятие, фермеррезлö, кин дзик пондöтö ассис уджсö, сетiсö сертификаттэз.

Денежнöй грант вылö сертификаттэз сетiсö Кудымкарскöй районiсь вит фермерлö. Быдöнныс нiя «Развитие сельского хозяйства и регулирование рынков сельскохозяйственной продукции, сырья и продовольствия в Пермском крае на 2013-2020 годы» нима целевöй программалöн участниккез.

Сертификаттэз козьналiсö Ошибскöй, Белоевскöй сельскöй поселеннеэзiсь, Васильевка да мöдiк деревняэзiсь фермеррезлö. Зорöтны сельскöй хозяйство и быдтыны сельхозпродукция отир понда ас территория вылын – этö фермеррезлöн шöр мог. Кöть и сьöкыт эта бердö кутчисьны, удж вына отирöс оз полöт да и сетöм финанссэз öнi бура отсаласö.

Кад реализуйтны планнэз сертификаттэз видзиссезлöн эм. Öнi быдöс зависитö нысянь, том фермеррезсянь, кыдз крепыта нiя кутчисясö сельскохозяйственнöй уджжез бердö.