В полку прибыло

В полку прибыло. Ряды педагогов пополнились новыми специалистами. 26 июня состоялось самое долгожданное событие года: вручение дипломов выпускникам Кудымкарского педагогического колледжа. 130 специалистов по очной и заочной формам обучения, 10 из них с красными дипломами.

Велöтiссезлöн лыд содiс. Кудымкарскöй педагогическöй колледжын чулалiс торжественнöй праздник. Велöтчан заведенне помалiсö сё куимдас студент, быдöнныслö нылö торжественнöй обстановкаын козьналiсö дипломмез. Öнi сё куимдас том морт, кöдна помалiсö педагогическöй велöтчан заведенне, асьныс лоисö дипломированнöй велöтiссезöн.

Залын приветствуйтiсö начальнöй классэз сьöртi велöтiссезöс, дошкольнöй возраста челядьлöн воспитателлезöс, информатика сьöртi велöтiссезöс и иностраннöй кыв сьöртi специалисттэзöс. Колледж таво помалiсö öтiк заочнöй и нёль очнöй группа. Педагогическöй колледжын эта лунö козьналiсö гöрд и лöз рöма дипломмез. Преподавателлезлöн коллектив керис быдöс, мед студенттэзiсь петiсö вежöра, квалифицированнöй, современнöй велöтiссез. Уна том морт понда колледжын велöтчöм лоис оланiсь югыт, гажа кадöн. Эмоцияэз кыдз челядьлöн сiдз и нылöн аймаммезлöн вöлiсö тырмöмви.

Том специалисттэзлö кöсйисö, мед эта диплом оланын эз вöв медборьяöн. Быд педагог татöн веритö выпускниккезлöн способностьö, что нiя успешнöя пондасö оськавны бöрйöм туй вылöт и пондасö велöтны челядьöс сiдз, кыдз этö керöны профессионаллэз.