В экспедицию - по родному краю

Экспедиция по родному краю. Состоялась традиционная экспедиция сотрудников Коми-Пермяцкого музея им П.И. Субботина-Пермяка по родному краю. На этот раз объектом исследования стало Левичанское поселение Косинского района. В ходе экспедиции были обследованы 8 населенных пунктов и собрано более 80 предметов этнографии и декоративно-прикладного искусства.

Тöдсасям чужан мукöт. Субботин-Пермяк нима Коми-Пермяцкöй краеведческöй музейись уджалiссез ветлiсö чужан му кузя традиционнöй экспедицияö. Öнi исследованнёлöн объектöн лоис Косинскöй районiсь Левичанскöй поселеннё. Экспедиция коста вöлiсö видзöтöмöсь кыкьямыс населеннöй пункт и öктöмöсь этнография да декоративно-прикладнöй искусство сьöртi кыкьямысдасся унажык предмет. Ны коласын дасöкмысöт векся меднöй кружка, кыкдасöт век пондöтчикö керöм детскöй печкан, быдкодь серрезöн гöрдззöм испоткаэз, половиккез да мöдiк экспонаттэз, кöдна лоасö интереснöйöсь музейö локтiсь отир понда. Вöлiсö экспедиция коста чулöтöмöсь и деревняэзын олiсь отиркöт интереснöй пантасьöммез. Öтiк этшöм пантасьöм вöлi Левичи деревняись зарниа киа рукодельница Лидия Федосеевакöт пантасьöм. Лидия Филипповна аслас кыкьямысдас куим годö вермас велöтны стариннöй коми-пермяцкöй ремесло дорö. Эд сiя одззамоз кöдзö лён, обрабатывайтö сiйö, нярьялö, сыналö, печкö да кыйö половиккез. Ас оланын коми-пермяцкöй культуралiсь тор видзöны и Чураки посадiсь народнöй умелица Олимпиада Федосеева да Зинкова деревняись олiсь Анна Федосеева.

Очереднöй экспедиция, отиркöт пантасьöм сетiсö возможность эшö öтпыр убедитчыны сыны, кытшöм богатöй народнöй культураыс. Экспедицияись быдöс вайöм предметтэз адззасö музейлöн коллекцияэзын ассиныс достойнöй места.